Адыгеим илIыкIо куп Марокко щыI. Урысыем и Мафэ ыкIи Урысые Федерациемрэ Пачъыхьагъоу Мароккэрэ игъэкIотыгъэу зызэдэлажьэхэрэр илъэсипшI зэрэхъугъэм афэгъэхьыгъэ Iофтхьабзэхэм ахэлажьэ.
АР-м культурэмкIэ иминистрэу Аулъэ Юрэ Марокко иадминистративнэ хэкоу Сус-Масса (къэлэ шъхьаIэр Агадир) игубернаторэу Саид Амзази IофшIэгъу зэIукIэгъу дыриIагъ. ХьакIэпэгъокIынымкIэ шэн-хэбзэ байхэр зиIэ Марокко ыкIи адыгэ культурэхэр мы Iофтхьабзэм зэфищагъэх.
АР-м и ЛIышъхьэ IэкIыб зэпхыныгъэхэмкIэ ыкIи инвестиционнэ политикэмкIэ иIэпыIэгъоу Хьакъунэ Бэллэ зэIукIэгъум хэлэжьагъ. Культурэм нэмыкIэу инвестиционнэ лъэныкъомкIи язэпхыныгъэ шIуагъэу къытын ылъэкIыщтхэм, зекIоным, агропромышленнэ ыкIи нэмыкI лъэныкъуабэхэмкIэ зэрэзэдэлэжьэнхэ алъэкIыщтхэм зэIукIэгъум щатегущыIагъэх.
Нахь игъэкlотыгъэу «Адыгэ макъэм» ит
