Мыекъопэ культурэм, джэрз лIэшIэгъум ипэсэрэ лъэхъанэхэм, чIыгу лэжьыкIэ зэфэшъхьафхэр ашIэщтыгъэх. ГущыIэм пае, губгъэзэблэхъу (переложное земледелие). Ащыгъум зыпарэми имыунаеу чIыгу нэкIхэр яхъоищтыгъэх. ЖъокIупIэхэу илъэсыбэрэ агъэфедагъэхэу, «оды хъугъэхэу», гъэбэжъу къэзымытыжьыщтыгъэхэр абгынэщтыгъэх ыкIи илъэс заулэрэ зарагъэгъэпсэфыщтыгъ. ЧIыгукIэу аубытыхэрэр ажъощтыгъэх. Ащыгъур ары апэрэ пхъэIэшэ къызэрыкIохэр агъэфедэхэу зырагъэжьэгъагъэр.
ИжъыкIэ къыщегъэжьагъэу мэшIогъэл чIыгу лэжьыкIэр лъэхъаныбэрэ щыIагъ. Ащ адыгэхэм раIорэр жъормашIо-жъотхъурым-жъотхъурыл (подсечно-огневое земледелие). Жъотхъурылыр тIоу зэтефыгъэ (бжыхьэпэ гъэлэу, гъэтхэпэ гъэлэу). Мэзым щыщэу лэжьыгъэшIапIэу къыхахырэр аукъэбзыщтыгъ, чъыгхэр щыраупкIыщтыгъэх, агъэстыщтыгъэх. Яжьэр чIыгъэшIу хъущтыгъэ. Мы лэжьакIэр лъэшэу къиныгъ, унэгъошхомкIи хьылъагъэ. Ащ пае жъотхъурылым зэрэчылэу е зэцэегъу унэгъуабэ хэлажьэщтыгъ.
Адыгэ чlыгулэжьыкlэм къытегущыlэ Тэу Аслъан. Теджэ https://adygvoice.ru/single_v2.php?post_id=186756
